«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Бүгін «Қазақ елі» монументінің алаңында зағип және көзі нашар көретін велосипедшілердің қатысуымен Blind Race Astana – Paris халықаралық веломарафоны басталды. Марафон «Шекарасыз спорт» жобасы аясында өтуде, деп хабарлайды елорда әкімдігінің ресми сайты. 

6 – аталмыш марафон үшін ерекше цифр. Жолға 16 адамнан тұратын команда шықты, оның 6-уы – зағип және көзі нашар көреді.

Қатысушылар 6 мың км жолды жүріп өтеді және 6 елді қамтиды, оның ішінде Ресей, Беларусь, Польша, Германия бар. 

 «Біз мұны мүмкіндігі шектеулі адамдардың мүмкіндігі шексіз екендігін көрсете отырып, әркімнің өмірде өз жолын таңдауына болатынын түсіндірмекпіз. Біздің команданың ұраны – «Мақсатың болса – кедергілер ештеңе емес», - деді «Шекарасыз спорт» жобасының басшысы Бахтияр Базарбеков. 

Оның айтуынша, спортшылар жыл бойы дайындалған, дайындық тұрақты түрде жүргізілген. 

Алғаш рет Алматыдағы «Сайран» өзенінде триатлон бойынша Азияның ашық континентальды Кубогі басталды, мұнда 16 елдің, соның ішінде Австралияның, Бельгияның, Жапонияның, Оңтүстік Кореяның және басқаларының 60-тан астам атлеттері медальдар үшін күресетін болады.

Халықаралық спорт сайысы екі күнге созылады. Бірінші күні жүгіруден, жүзуден, велоспортынан кәсібилер жарысқа түседі, ал екінші күні әр түрлі жастағы тіркелген 150-ден астам әуесқойлар бәсекеге қатысады.

«Біз қазіргі кезде қала тұрғындарының белсенді және салауатты демалуы – велосипед тебуі, жүгіруі, жаяу жүруі үшін үлкен мүмкіндіктерді жасаудамыз. Қалада 68 километр веложолдар абаттандырылды, таяу жылдары біз оларды 100 километрге дейін жеткіземіз, аулаларда спорт алаңдарын жасау жалғасуда, жаяу жүргіншіге басымдық беретін көшелер жасалуда. Осының барлығы қала тұрындары мен қонақтарына жайлы болу үшін атқарылуда. Қазіргі кезде студенттер арасында футзалдан өтетін әлем Чемпионатына дайындалудамыз, халықаралық алқалы сайыс біздің қаламызда тамыз айының соңында өтеді, оған әлемнің 24 елінің спортшылары қатысады», - деп атап өтті өзінің құттықтау сөзінде Алматы әкімі Бауыржан Байбек.

Триатлоннан өтетін ашық турнирде 300 адам жарысқа түседіАстананың 20 жылдығына орай 28 шілдеде елордада триатлоннан ашық қалалық турнир өтеді. Қатысушылар жүзу, велосипедпен жүру және жүгіру сияқты үш түрлі сайыста күш сынасады. 

«Астана-триатлон - 2018» шарасына 18 жастан асқандардың барлығы қатыса алады, деп хабарлайды елорда әкімдігінің ресми сайты. «Астана-триатлон - 2018» шарасына қатысушылар Астана қаласының триатлон федерациясының http://triathlonastana.kz сайтына кіріп онлайн арқылы алдын ала тіркелуге міндетті. Старттық пакет жарнасы - 5000 теңге.

Старттық пакеттер сағат таңғы 6:30-да беріле бастайды. Негізгі жарыстар сағат 8:00-ге белгіленіп отыр. Өтетін орны: Астананың триатлон саябағы. Триатлоннан ашық турнирге қатысамын деушілер өздерімен бірге міндетті түрде велосипед пен шлемін ала келуі тиіс.

«Қатысушылар «Астана Триатлон Саябағы» аумағындағы Есіл өзенінің бойымен (750 метр) жүзіп өтеді. Сонымен қатар, «Астана Триатлон Саябағы» аумағынан «Astana Music Hall» тұрағы арқылы Б. Момышұлы к-сі, Сарайшық к-сі, Шалқыма к-сі, Шарль де Голль көшесіндегі «Крыша» мейрамханасының тұрағына кіру арқылы «Астана Триатлон Саябағы» аумағына дейінгі 20 шақырымды велосипедпен бағындырады. Дистанцияның соңында олар «Астана Триатлон Саябағы» аумағын 2 айналымнан тұратын 5 шақырымдық жүгіру бағытын аяқтап мәреге жетеді.

26 тамыз күні сағат 12:00-де Астана қаласы «Дәулет» спорт кешенінде қазақ күресінен Азия чемпионаты өтеді, деп хабарлайды Астана қаласы әкімдігінің ресми сайты. 

Қазақтың ұлттық спорт түрі сааналатын қазақ күресіне 10-нан астам мемлекеттен 80-ге жуық палуан қатысады деп күтілуде. Бүгінгі таңда Жапония, Өзбекстан, Тәжікістан мен Моңғолия елдерінің мықты спортшылары чемпионатқа қатысатындығын растады. Сонымен қатар, Иран, Пәкістан, Үндістан елдері де өз балуандарын дайындауда.

«Халықаралық қазақ күресі федерациясының негізгі мақсаты спортшылар мен қызығушылардың басын біріктіру, қазақ күресінің тек біздің елде ғана емес, шетелдерде де дамуына үлес қосу, үздік спорттық жетістіктерге жетуге ықпал ету. Бір жылдың ішінде біз халықаралық қазақ күресі чемпионатын өткізіп үлгердік. Оған 40 мемлекеттің спортшылары қатысты. Жуырда ғана Грузия елінің Батуми қаласында қазақ күресінен Еуропа чемпионатын ұйымдастырдық. Оған қатысушылар Еуропаның 24 мемлекетінен келді. Алдағы уақытта, яғни 26 тамыз күні Астана қаласында Азия чемпионаты өтеді», - деді Халықаралық қазақ күресі федерациясының бас хатшы кеңесшісі Ұлан Рысқұл.

Облыс орталығында Америка Құрама Штаттары мен Қарағанды облысының спортшыларының арасында еркін күрес бойынша матчтық кездесулер өтті. Үш кездесудің екеуінде жеңіс қарағандылықтарға бұйырды. 
Сайыстың барлық қатысушылары – студенттер. Қазақстанда осындай матчтық кездесулер алғаш рет өткізілді. Бұған дейін американдық қарсыластармен қазақстандықтар тек ірі халықаралық сайыстарда ғана кездескен болатын. 
Қарағандыға келген АҚШ спортшыларының барлығы университет студенттері арасындағы чемпионаттардың жеңімпаздары мен жүлдегерлері. Делегация жетекшісі – Джон Петерсон Олимпиада ойындарының күміс жүлдегері (Мюнхен, 1972 ж.), Монреальдағы Олимпиада ойындарының чемпионы (1976 ж.). Қонақтар командасының бас жаттықтырушысы – Стив Барред, Әлем чемпионатының жүлдегері, АҚШ біріншіліктерінің бірнеше мәрте жеңімпазы.
Қарағанды облысының атынан өнер көрсеткен спортшылар ҚР Чемпионаттарының жеңімпаздары мен жүлдегерлері болып табылады.