«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

КВН ойынының жаңа форматтағы «Еуразия кубогы» 4 шілдеде «Барыс Арена» мұзайдыны сарайында өтеді, деп хабарлайды Астана әкімдігінің ресми сайты.

Фестивальге КВН жоғары лигасына қатысушы 8 команда өнер көрсетеді деп күтілуде. Олардың арасында Қазақстанның намысын биыл КВН ойындарының премьер лигасында қорғайтын «Сборная Коргалжино» командасы да бар. Кеш жүргізушісі – кіші Александр Масляков.

Алматы әкімі Бауыржан Байбек ұлттық бірыңғай тестілеудің қорытындысы бойынша ең жоғары балл жинаған №123 мектеп - гимназияның түлегі Шиара Құдайбергеновамен кездесті. Алматының оқушылары 101,2 балла жинап, еліміз бойынша бірінші орынды жеңіп алды. Өткен жылмен салыстырғанда биыл «Алтын белгі» иелерінің қатары 100 түлекке артты.

Шиара Құдайбергенова болашақ мамандығын анықтағанын, «Логистика» мамандығы бойынша қазақстандық универсиеттері бірінің экономика факультетіне түсуді жоспарлағанын айтты.

«Мемлекет басшысына үлкен рахмет, ол білім мен ел жастарына тұрақты назар аударып келеді. Өзімнің және ата- анамның атынан 11 жыл бойына білім нәрімен сусындатқан барлық мұғалімдерге алғыс айтамын», - деді ол.

Математикадан өткен 22-ші Балкан олимпиадасында Қазақстан құрамасының мүшесі, Астана қаласындағы БИЛ-нің 10 сынып оқушысы - Данат Дүйсенбеков есептердің барлығын дұрыс шешіп, ең жоғарғы ұпайды жинады. Осылайша ол алтын медаль иегері атанды, деп хабарлайды елорда әкімдігінің ресми сайты.

Грецияның Родос аралында жасөспірімдер арасындағы математикадан 22-ші Балқан олимпиадасы аяқталды. Зияткерлік сайысты Болгарияның Математиктер одағы ұйымдастырған болатын. 18-24 маусым аралығында Балқан аймағындағы 15 ел мен 7 қонақ елдің 132 қатысушысы жарысқа түсіп, өз білімдерін ортаға салды.

Қазақстан құрамасы 22 ел арасында 3 орынға, қонақ елдер арасында 1 орынға ие болды.

Қарағанды музыкалық комедия театры халық арасынан дарындылар іздеп, жерлестерінің сахнада өнер көрсету армандарын орындауға көмектесуде. Кәсіби емес әртістер арасындағы іріктеу үшінші рет өткізіліп отыр. Жобаға музыкалық және актерлік білімі жоқ 18-ден 50 жас қа дейінгі барлық ниет білдірушілер шақырылады.

Биылғы жылы «Менің жұлдызды сәтім» жобасы «Рухани жаңғыру» бағдарламасы бойынша жүзеге асырылуда. Халықтық қойылым үшін театр «В джазе только девушки» атақты мюзиклі таңдалды.

Алматыда Полиция күні мен Мемлекетік қызметкер күніне арналған мерекелік концерт өтті. Мерекелік шараға жиналғандарды сахнадан артистер мен отандық эстрада жұлдыздары: қаланың ІІД-нің оркестрі, Мәдина Сәдуақасова, Бүркіт пен Аиша, «ILCANTO» квартеті, Әли Оқапов, Жәмилә Серкебаева, «Азия» және «Асыл» топтары, Ұлан Әубәкіров, Қайрат Игіліков және басқалары құттықтады.

Салтанатты шара барысында қала әкімі үздік мемлекеттік қызметкерлер мен құқық қорғау қызметкерлерін алғыс хаттармен марапаттап, құқық қорғау органдарының кәсіби мерекесі – қазақстандық полицияны табандылықпен құрғандардың және олардың қатарында еңбек етіп жүргендердің барлығына көрсетілген құрмет екенін атап өтті.