«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Қарағанды облысы сыбайлас жемқорлықпен күрестің астаналық үлгісін енгізіп жатыр. Аймақ басшысы Ерлан Қошанов және ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев «Сарыарқа – адалдық алаңы» жобасының жарғысына қол қойды. Ең алдымен ол тұрмыстық жемқорлықты жоюға бағытталған. 

«Жаңа белес» фестиваліне елорда колледждерінің мыңға тарта студенті қатысты, деп хабарлайды Астана әкімдігінің ресми сайты. Фестиваль-байқаудың жеңімпаздары «Вокал», «Хореографиялық өнер», «Шығармашылық» (көркемсөз оқу), «Фотобайқау» және «Зияткерлік ойындар» сияқты бес аталым бойынша анықталды.   Шығармашылық конкурстың финалистерін, жеңімпаздары мен жүлдегерлерін «Астана жастары» орталығының жетекшісі Үкібай Нұрпейісов марапаттады. «Ең ақылды» аталымында Жоғары медициналық колледжінің студенттері Әлішер Закиров пен Еламан Сағатов бірінші және екінші орынға ие болды. Менеджмент және бизнес колледженің студенті – Зинаида Кнаип үшінші орында.

Алматыда «Спутник» стадионын қайта жасаған соң балалардың «Жас қыран» атты оқу-жаттығу футбол кешені ашылды.

Жаңарған стадион 800 көрерменге арналған, шатыры көз тартады, дренажды жүйелі алаң, ФИФА сертификациялаған соңғы буындағы жасанды итальяндық газон бар. Орталықта 500-ден астам жас футболшы жаттыға алады, мұнда 50 жаттықтырушы жұмыс істейді.

«Мен сендерді бүгінгі қуанышты мерекелеріңмен құттықтаймын. Осындай бастамаларға алғыс айтамын және қолдау білдіремін. Мұндай оң шаралардың барлығы Мемлекет басшысының спорты дамыту жөніндегі саясатының арқасында жүзеге асуда», - деп атап өтті Қазақстан футбол Федерациясының басшысы Әділбек Жақсыбеков.

Astana Mall сауда орталығының коворкинг орталығында «Мемлекеттік білім берудің өңірлік хабы» басқармасының төрағасы Әлихан Байменов «Bilimmen bólis» жобасы аясында дәріс оқыды, деп хабарлайды елорда әкімдігінің ресми сайты. Дәрісті Астана қаласының Тілдерді дамыту және мұрағат ісі басқармасы ұйымдастырды. «Біздің басқарма «Bilimmen bólis» жобасын жүзеге асыруда. Біз оны қала тұрғындары арасында өткіземіз.

Қарағандылықтар тегін түрде төс безінің УДЗ және маммография жасай алады. Медициналық тексерістен учаскелік дәрігердің жолдамасысыз 20 және 27 қазанда облыстық онкодиспансерде өтуге болады.

Бұған дейін осы секілді екі қабылдау өткен болатын – дәрігерлер 120 емделушілерді тексеріп үлгерген. 
Қарағанды облыстық онкодиспансерде қазанның 6-сынан 27-не дейінгі аралықта әйелдердің денсаулығын қорғау бойынша айлық өтуде. Шара шеңберінде «ашық есік күндер» ұйымдастырылған.