«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Жыл сайын атап өтілетін Дала күні Қарағанды облысының Осакаров ауданында, «Найдоровское» ЖШС алқаптарында тойланды. Оған Қазақстан, Ресей, Белорусь, Австрия, Швейцария, Германия және АҚШ-тан келген қонақтар қатысты. Барлығы мерекеге 300-ден астам адам жиналды. 
Дала күні Осакаров ауданында төртінші жыл қатарынан атап өтіліп келеді. Мереке құрметіне ауылшаруашылық техникаларының байқауы, «Найдоровское» ЖШС алқаптарына экскурсия, сыйлықтарды ойнату, ауылшаруашылық техникасы мен тыңайтқыштар өндірушілердің өнімдерінің көрмесі, жәнеде аймағымыздың би және вокал ансамбльдерінің қатысуымен концерт өткізіледі. 
Биылғы жылы Дала күні цифрлеу және дәл егін шаруашылығы бағдарламасының қолдауымен өтті. Дәл егін шаруашылығы бағдарламасы ғалымдар әр гектар жерден сынама алып, қай жер аумағы қанша тыңайтқышты қажет ететінін, жәнеде қандай дақылдар ол жерде анағұрлым жақсы және өнімдірек болатынын мәлімдеуден құралады. Егін шаруашылығының осы секілді тәсілінде әуеден суреттер жасайтын дрондар, алқаптардың ғарыштық фото суреттерін жіберетін серкітер, ауа температурасы мен желдің жылдамдығын ғана емес, топырақтың температурасы мен ылғалдылығын өлшейтін метеостанциялар қолданылады. Осының барлығы өсімдіктердің дертке шалдыққанын, арамшөптердің өсуі мен уақтылы шараларды қадағалауға мүмкіндік беріп, ол өз кезегінде өнімділіктің орташа есептегенде бір жарым есеге артуына жол береді. 

Шілденің 27-30 аралығында қаламызда тұңғыш рет «Астана Операның» Үлкен залы сахнасында атақты Париж ұлттық опера театрының балет труппасы гастрольдік сапар аясында өнер көрсетпек, деп хабарлайды Астана қаласы әкімдігінің ресми сайты.

Еуропалық балеттің жарқын жұлдыздары қазақстандық көрерменге Gala de Paris атты орасан зор бағдарлама ұсынады. «Астана Опера» симфониялық оркестріне маэстро Владимир Ланде жетекшілік етеді.

Гастроль ҚР Мәдениет және спорт министрлігінің қолдауымен Астананың 20 жылдығы аясында өтпек. Сондай-ақ, турне Париж ұлттық операсының 350 жылдығына орайластырылған.Жоба «Қазақ әуендері» қоғамымен бірге жүзеге асырылады.

Paris Opéra Ballet – XIV Людовик патшаның 1661 жылы Корольдік би академиясы ретінде негізін қалаған Париж операсының ресми ұлттық балет труппасы. Бүгінде ұжымның құрамында 150-ден астам әртіс бар, Париж ұлттық опера театрының көркемдік жетекшісі – Орели Дюпон. Жыл ішінде труппа 180-нен астам өнер көрсетеді, олардың әрқайсысы асқақ өнердің шынайы мейрамы болып табылады.

КВН ойынының жаңа форматтағы «Еуразия кубогы» 4 шілдеде «Барыс Арена» мұзайдыны сарайында өтеді, деп хабарлайды Астана әкімдігінің ресми сайты.

Фестивальге КВН жоғары лигасына қатысушы 8 команда өнер көрсетеді деп күтілуде. Олардың арасында Қазақстанның намысын биыл КВН ойындарының премьер лигасында қорғайтын «Сборная Коргалжино» командасы да бар. Кеш жүргізушісі – кіші Александр Масляков.

Астана әкімдігінің ресми сайты 16-22 шілде аралығында өтетін қызықты деген оқиғалардың жиынтығын ұсынады. 

Тәуелсіздік сарайында астана тұрғындары мен қонақтарын фотожурналист Н. Имамовтың шығармашылығына арналған фотокөрме мен «Аканаевтар әулеті» атты  жеке көркем көрмесі, «Ұлы дала мұрасы» қолданбалы өнер көрмесі, ҚР Өнер Академиясының «Астана – арман қала» атты қолданбалы және көркемсурет көрмесі қуантпақ.

16 шілдеден 22 шілдеге дейін сағат 10:00-де Жасыл желек «Алаш» тас жолы, шаңғыроллерлі тас жолы «Астана Арена» стадионында  СССР спорт шебері М. Ильяновты еске алуға арналған велоспорттан дәстүрлі жарыс өтеді.

18 шілде, 09:00-де «Алау» мұз сарайында мүмкіндігі шектеулі жандар арасында астананың 20 жылдығына арналған спорттық іс-шара өткізіледі.

20 шілде, сағат 10:00-де «Қазанат» атшабарында  «Ұлы Дала Рухы» іріктеу турнирі басталады.

Осы күні М. Горький атындағы театрда кешкісін М. Горькийдің «Последние» драмасы қойылады.

Алматы әкімі Бауыржан Байбек ұлттық бірыңғай тестілеудің қорытындысы бойынша ең жоғары балл жинаған №123 мектеп - гимназияның түлегі Шиара Құдайбергеновамен кездесті. Алматының оқушылары 101,2 балла жинап, еліміз бойынша бірінші орынды жеңіп алды. Өткен жылмен салыстырғанда биыл «Алтын белгі» иелерінің қатары 100 түлекке артты.

Шиара Құдайбергенова болашақ мамандығын анықтағанын, «Логистика» мамандығы бойынша қазақстандық универсиеттері бірінің экономика факультетіне түсуді жоспарлағанын айтты.

«Мемлекет басшысына үлкен рахмет, ол білім мен ел жастарына тұрақты назар аударып келеді. Өзімнің және ата- анамның атынан 11 жыл бойына білім нәрімен сусындатқан барлық мұғалімдерге алғыс айтамын», - деді ол.