«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Қарағандыда химик, химия ғылымдарының докторы, ҚазКСРО ҒА академигі, ҚР еңбек сіңірген қайраткері Молдахметов Зейнолла Молдахметұлына құрмет көрсетілді. Бүгін академик 85 жасқа толып отыр. Мерейтой иесін Қарағанды облысының әкімі Ерлан Қошанов құттықтады.

- Сіздің есіміңіз тек Қарағандыда ғана емес, сонымен қатар бүкіл Қазақстан бойынша да әйгілі. Еліміздің Президенті сізді ордендермен және мелаьдармен марапаттап, еңбегіңізді жоғары бағалады, - деді аймақ басшысы құттықтау сөзінде. Ол сонымен қатар ҚР Премьер-министрі Бақытжан Сағынтаевтың жолдаған құттықтау хатын оқып берді. – «Құрметті, Зейнолла Молдахметұлы, шын жүректен Сізді мерейтойыңызбен құттықтаймын. Сіз жас ұрпақты тәрбиелеуде, ғылым мен білімді дамытуда үлкен еңбек сіңірдіңіз. Бүгінде сіздің шәкірттеріңіз құрметті лауазымдарды атқарып отыр. Сізді 85 жылдық мерейтойыңызбен құттықтай келе, зор денсаулық, отбасыңызға аманшылық тілеймін».

Мерейтой иесін құттықтауға сонымен қатар оның достары, танымал ғалымдар, ЖОО ректорлары жиналды.

- Бүгін танымал ғалым, бүкіл Қазақстан мақтан тұтатын Зейнолла Молдахметовтың мерейтойы. Туған күніңізбен! Бізді әрі қарай өз жетістіктеріңізбен қуанта беріңіз. Деніңіз сау және өмір жасыңыз ұзақ болсын, - деді мерейтой иесінің досы, Қазақстан Республикасының мемлекеттік және қоғамдық қайраткері, Қазақстан Республикасы Ұлттық ғылым Академиясының Академигі Кенжеғали Сағадиев.

Барлық ректорлық құрамның атынан туған күн иесін Қарағанды экономикалық университетінің ректоры Ерқара Аймағамбетов құттықтады.

- Сіз дарынды ұйымдастырушысыз, ғұлама ғалымсыз, біз сіздің жетістіктеріңіздің алдында бас иеміз. Сізге мықты денсаулық, ұзақ ғұмыр және барлық жақсылықты тілейміз,- деді Ерқара Аймағамбетов.

Аймақ басшысы Ерлан Қошанов мерейтой иесінің иығына ұлттық шапан жауып, Құрмет грамотасын табыс етті. Зейнолла Молдахметов барлығына құттықтаулары мен жылы лебіздері үшін алғысын білдіріп, облыс әкімі Ерлан Қошановқа осылай ерекше қарсы алғаны үшін рахмет айтты.

Бүгін Қарағандыда сонымен қатар академик Зейнолла Молдахметовтың 85 жылдығына арналған халықаралық ғылыми-тәжірибелік конференция өтті. Қатысушылар Органикалық синтез және көмір химия институтының залында бас қосты.

«Рухани жаңғыру» мемлекеттік бағдарламасының «Қазақстанның қасиетті жерлері» арнайы бағдарламасы шеңберінде Астана қаласы әкімдігінің Мәдениет және спорт басқармасы мен Л. Гумилев атындағы Еуразия Ұлттық университетінің К. Ақышев атындағы археология ғылыми-зерттеу институтымен бірлесіп Мемлекет қорғауындағы Күйгенжар қорғанында қазба жұмыстарын жүргізуде, деп хабарлайды Астана қаласы әкімдігінің ресми сайты. 

Институт археологтары екі апта бойы тынымсыз еңбек етіп, зерттеу жұмыстары барысында қорғанның жоғарғы қабатындағы бастапқы жеті қабір ашылып, зерттелген. Археологтар тобының жетекшісі, тарих ғылымдарының кандитаты, К. Ақышев атындағы археология ғылыми-зерттеу институтының директоры Марал Хабдулинаның айтуынша, жерлеу рәсімі бойынша зираттар жобамен 15-16 ғғ. жатқызылған.

Астана қаласы әкімдігінің ресми сайты 30 шілде мен 5 тамыз аралығында өтетін мәдени шаралар кестесін ұсынады.

Қала тұрғындары мен қонақтары 20 мамыр - 30 тамызжұмыс күндері сағат 14:00-18:00, демалыс күндері сағат 12:00-16:00-де аралығында Астана қаласының 20 жылдығын мерекелеу аясында «Саябақтың жеті кереметі» атты қала саябақтарында«Астаналық»,«Жерұйық», «Студенттер» саябақтарында іс-шаралар өтеді. 

1 маусымнан 2 қыркүйекке дейін сағат 15:00 мен 19:00 аралығында әр жексенбі күні«Думанды Сарыарқа» қаланың тұрғын алаптарында өтуде.

30 шілде – 5 тамыз сағат 10:00-18:00 ҚР Өнер Академиясының «Астана – арман қала» аттықолданбалы және көркем сурет көрмесі, фотожурналист, жергілікті тарихшы Нұрмұхамат Имамовтың шығармашылығына арналған көрме, «Ақанаевтар әулеті» аттыжеке көркем көрмесі, «Жаңа бастау» С. Мүсіреповтың жеке көрмесі өтуде.

31 шілде сағат 19:00-де Конгресс-орталығында «Ninety One» тобының концерті өтеді.

«Рухани жаңғыру» мемлекеттік бағдарламасы аясында елорданың жанындағы патша қорғанында қазба жұмыстары қолға алынды. Бұл қорған қазіргі заманғы мегаполистің аумағында сақ дәуірінде де тіршіліктің болғанына дәлел бола алады, деп хабарлайды елорда әкімдігінің ресми сайты қалалық Мәдениет және спорт басқармасына сілтеме жасап. 

Астана қаласы әкімдігінің бастамасымен елорданың жанындағы патша қорғанында қазба жұмыстары қолға алынды. Археологтар екі апта бойы тынымсыз еңбек етуде. Зерттеу жұмыстары барысында қорғанның жоғарғы қабатындағы бастапқы 7 қабір (яғни, ең ертедегі) ашылды. Жерлеу рәсімі бойынша зираттар 15-16 ғғ. жатқызылды.

 Айта кетейік, олар мұсылман дәстүрімен жасалған. Екі моладан әшекейлер табылды, оның ішінде қола сырға мен күміс жіп те бар. Ал қыздың қабірінен неке жүзігі табылды. Ол оны оң қолына киген екен.

Қарағанды облысында үш күндік республикалық өлкетану акциясы өтті. Оған Ақтөбе облысынан 64 бала келіп, қатысты. Олар Теміртау, Шахтинск қалалары мен Қарқаралы ауданында болып қайтты.

- Өлкетану акциясы барысында Қазақстанның киелі жерлерін аралау қарастырылған. Осы шара шеңберінде бізге Ақтөбеден делегация келді. Бұған қоса бағдарламада Президентіміздің еңбек жолы басталған қаласы ретінде Теміртау шаһарын аралап қайту да қарастырылған, - дейді Теміртау қалалық білім бөлімінің тәрбие жұмыстары бойынша әдіскері Қарлығаш Хамиева.

Теміртауда қонақтар тарихи-өлкетану мұражайында, Нұрсұлтан Назарбаев оқыған Қарағанды мемлекеттік индустриалды университетте, «Восток» саябағының қысқы бағында болды. Сонымен қатар балалар үшін Самарқанд су қоймасымен су үстімен жүзіп өту серуені мен «Жанар» мейрамханасында түскі ас ұйымдастырылды.

Балалар Долинка кентіндегі саяси қуғын-сүргін құрбандарын еске алу мұражайындағы көріністерден ерекше әсер алған. Мұнда балалар аса қызығушылықпен жәдігерлерді қарап, Карлаг оқиғалары туралы әңгімелерді таңдады.