«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Төтенше жағдайлар басқармасының қызметкерлері Алматы ауданы әкімі аппаратының өкілдерімен бірге «Өрт қауіпсіздігі айлығы» науқаны шеңберінде жеке үйлердегі пештік құрылғылардың жұмысын тексерді, деп хабарлайды қалалық әкімдіктің ресми сайты. Елордалық құтқарушылар көпбалалы отбасылар мен қарт адамдар тұратын «Железнодорожный», «Промышленный» тұрғын алабында орналасқан жеке тұрғын үйлерді аралады.

Қарағанды облысының Жаңаарқа ауданында жиналыс өтті. Бас қосуда облыстық және аудандық Фермерлер одағы құрылғаны туралы жарияланды. Оның құрамына өңіріміздің ауыл шаруашылық өнім өндірушілері кірді.

Жиналыста «Қазақстан фермерлер одағы» республикалық қоғамдық бірлестігі өкілдерінің өңірлерде жыл бойы атқарған жұмысы туралы есебі тыңдалды, алғаш рет фермерлер одағының аудандық, облыстық Одақтарының құрамы сайланды.

Алдағы үш күнде  көшпелі бұлт шығып, қар жауады, деп хабарлайды Астана қаласы әкімдігінің ресми сайты «Қазгидромет» РМК сілтеме жасап. Дүйсенбі, 26 қарашада күн бұлтты, кейде қар жауып, боран болады. Оңтүстік-батыстан жылдамдығы 9-14 м/с құрайтын жел соғады. Түнде және таңертең оның екпіні 15-20 м/с құрайды. Ауа температурасы түнде -10 ... -12 ° С, күндіз -6 ... -8 ° С. 27 қарашада күн ала бұлтты, жауын-шашынсыз. Оңтүстік-батыстан соғатын желдің жылдамдығы 9-14 м/с. Сынап бағанасы түнде -11 ... -13 ° С, күндіз -5 ... -7 ° С көрсетпек. 28 қараша, сәрсенбіде, көшпелі бұлт шығып, кейде қар жауады, боран соғады.

Күн сайын көшелерді тазалау жұмыстарын 100 шақты мердігер ұйым жүргізеді, деп хабарлайды елорда әкімдігінің ресми сайты.  «Астана Тазалық» ЖШС мәліметінше, 25 қарашада тазалау жұмыстарына мамандандырылған техниканың 693 бірлігі жұмылдырылды. Қала көшелерін қардан тазартуға шыққан жол жұмысшыларының саны – 278 адам. 25 қарашада 37921 текше метр қар шығарылды. «Астана Тазалық» 16437 текше метр қарды шығарса, қалған мердігер ұйымдар – 19646, «Зеленстрой» АҚ – 1838 текше метр қарды қала сыртына жеткізді. 25 қарашада құм-тұз аралас қоспаның 425 текше метрі себілді. 16 қазан мен 25 қараша аралығында қала сыртына шығарылған қардың көлемі 332658 текше метрді құрайды. Астана әкімдігі тұрғын үй-коммуналдық шаруашылығына қатысты барлық сұрақтарды 109 нөмірі бойынша Астананың iKomek мониторинг және жедел әрекет ету орталығының call-орталығына тәулік бойы жолдауға болатындығын еске салады. Сондай-ақ, iKomek орталығына келесі әдістер бойынша хабарласуға болады.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев үш қарағандылық ЖОО болып қайтты. Оның назарына жуырда ашылған «адалдық дүкені» мен Студенттерге қызмет көрсету орталығы ұсынылды. 
Алик Шпекбаев Е.А. Бөкетов атындағы Қарағанды мемлекеттік университетінде, Қарағанды мемлекеттік техникалық университетінде және Қарағанды мемлекеттік медициналық университетінде болып қайтты.