«Astana Times» ЖК, «Қаздала» ақпарат агенттігі, ҚР Инвестициялар және даму министрлігі Байланыс, ақпараттандыру және ақпарат комитетінің № 15 766 - ИА 30.12.2015 куәлігі берілген.

Бүгін қаланың денсаулық сақтау қоғамдастығымен кездесу барысында Алматы әкімі Бауыржан Байбек Денсаулық сақтау басқармасының жаңа басшысы Қанат Төсекбаевты таныстырды.

Соңғы жылдары Алматыда қала тұрғындарының денсаулығына қатысты негізгі индикаторлар бойынша оң нәтижелерге қолжетті, денсаулық сақтау ұйымдарын жаңа заманауи медициналық техникамен қамтамасыз ету 80%-ға жетті. Тұрғындардың 94%-ы электронды паспортпен қамтылды. Жыл аяғына дейін қаланың барлық емханалары қағазсыз форматқа көшеді. Жүргізілген медициналық реформалар нәтижесінде сырқаттарға қызмет көрсету уақыты 20%-ға, кезек күту 30%-ға қысқарды.

Алматы Люблянда өткен ақылды қалалардың «Smart city-2018» Еуропалық форумында көлік жүйесін кешенді реформалау бойынша бірінші орынды иеленді. 50 ең үздік әлемдік практика мен инновациялық жобалардың финалдық үштігіне «Анкара парк» туристік жобасымен түрік астанасы Анкара мен «Сава өзеніне тұрғындардың оралуы» бағдарламасымен хорваттың Загреб қаласы да енді.

Конкурс комитеті Алматының қоғамдық көліктегі табыстың ашықтығына цифрлық технологияны пайдалануы, оның әртүрлігі мен қолжетімділігі, сарапшылар мен бизнестің қатысуы, МЖӘ механизмінің ұтымды қолданылуы, экологияны жақсартуға басымдылық беруі сынды басты критерийлерді атап өтті. Айта кетерлігі, биыл қалада автобус парктерін жаңарту деңгейі 80%-ға жететін болады. Жеке инвестиция есебінен үшінші буындағы электробустар шығаратын автобус паркі мен зауыт салынды. Электробустарды қала бағыттары бойынша жүргізу мегаполис экологиясына оң әсер етеді.

Алдағы демалыста температура 4 градустан жоғары көтерілмейді, деп хабарлайды астана әкімдігінің ресми сайты «Қазгидромет» РМК сілтеме жасап. 13 қазанда көшпелі бұлт, аздаған жаңбыр жауады. Жел солтүстік-шығыстан 9-14 м/с. Температура түнде 0...+2°С, күндіз +2...+4 °С. 14 қазан: көшпелі бұлт, аздаған жауын жауады. Жел оңтүстік-батыстан 9-14 м/с. Температура түнде 0...-2°С, күндіз +1...+3 °С. 15 қазан: күн бұлттанып, аздаған жаңбыр жауады. Жел оңтүстік-шығыстан 9-14, екпіні 20 м/с. Температура түнде 0 °С жуық, күндіз +1+3 °С.

Жас қарағандылықтар тегін түрде бизнес негіздерін оқуға мүмкіндік алды. Бұл мақсатта «Жас кәсіпкер мектебі» жобасы іске қосылды. Оны аймақтық Кәсіпкерлер палатасы «Бизнестің жол картасы-2020» бағдарламасы бойынша жүзеге асыруда. 
Бұл мектепте 18-29 жас аралығындағы жастар дәрістер тыңдай алады. 

Астанада қатты тұрмыстық қалдықтарды бөлек жинауда екі фракцияны ұйымдастыру бойынша жобаның қорытындысы шықты. Бүгінде қаланың төрт ауданына қатты тұрмыстық қалдықтардың (ҚТҚ) құрғақ фракциясын жинау үшін 1118 сары контейнер орнатылды, деп хабарлайды астана әкімдігінің ресми сайты ӨКМ операторының баспасөз қызметіне сілтеме жасап. Компанияның мәліметінше сары контейнерлерден жиналған екінші рет өңделетін шикізаттың көлемі 2004 тоннаны құрады.